Pas suksesit të ndjekur në sesionet keshilluese në Prizren, programi për zhvillimin e instrumentit ProfilPASS nga OJQ “EYCD” vazhdon të ofrojë këshillime të vlefshme për të rinjtë në këtë qytet. Një numër gjithnjë i rritur i individëve është përfshirë në sesionet e këshillimit, duke përfituar nga njohuritë dhe ndihma për zhvillimin e karrierës.

Në Prizren, sesionet keshilluese të programit "ProfilPASS" zhvillohen në zyrën e OJQ "EYCD" në rrugën William Walker, si dhe në një zyrë tjetër e cila ndodhet në ndërtesën U3 në ITP-Prizren. Megjithatë, vlen të theksohet se këshilltarët dhe të keshilluarit mund të vendosin të zhvillojnë seancat edhe në lokacione të tjera sipas marrëveshjes dhe preferencave të tyre të përbashkëta.